酒到底洗唔洗雪？

葡萄酒到底洗唔洗雪凍？其實每款酒都有最好嘅飲用溫度！

凍會令酒更酸、澀，甜味都會冇咁明顯。熱就會令酒味變重，氣泡散得快。

紅酒酒精味重啲，所以唔可以太熱飲，唔係酒味就會太明顯，蓋過其他風味。但飲紅酒多數會睇單寧(澀味)，所以紅酒都唔可以太凍，唔係就會令一啲酒冇咗特色。我哋建議飲之前喺雪櫃雪30分鐘就差唔多！

而白酒就掉轉，要夠凍先感覺清爽。但太凍甜味同果味又會被鎖住，所以飲之前喺雪櫃雪1個鐘就啱啱好。

至於氣泡酒同香檳，佢哋夠甜，完全唔怕凍，反而太熱會令氣泡冇哂，好似飲煮過嘅可樂咁（糖水），冇哂清爽嘅感覺。所以氣酒要凍啲先好！一早放定入雪櫃就最好啦～