酒鬼們經常會有飲唔哂嘅酒，收埋支酒又怕到咗第日會冇哂味道，應該點處理好呢？

其實咁簡單嘅幾個動作，就可以令開咗嘅酒放耐啲😎!

方法1: 將酒樽打直咁放入雪櫃

將酒樽打橫咁放入雪櫃，酒就會有成個酒樽嘅橫切面掂到空氣，揮發得特別快。將酒樽打直，就只會有樽口嘅空氣掂到酒，自然可以放得耐啲！

方法2: 換一個細啲嘅酒樽

原理其實同方法1一樣，用一個細啲嘅酒樽裝酒，酒樽入面就會少啲位係空氣，酒味自然揮發得慢啲！

方法3: 唔飲時記得閂埋樽口

飲緊酒嘅時候開住樽蓋放支酒，香氣其實都會慢慢喺空氣中揮發。如果係氣泡酒，氣泡仲會消失，影響口感😨。

所以講到尾，最緊要都係等酒接觸少啲空氣、令酒接觸空氣嘅面積/時間減少。不過其實用咗呢啲方法，酒都係最多放2-3日，開咗酒就都係盡快飲哂啦～

Ps：如果想支酒可以放更耐，都可用真空酒塞。真空酒塞可以將酒樽空位嘅氧氣抽走，用咗佢你支酒最長可以放成14日，即刻去睇吓啦😎～