酒放越耐越好？

聽人講投資紅酒，陳年越耐嘅紅酒越值錢，啫係酒放越耐越好飲？其實唔係一定㗎！

世界上大部分(超過9成)葡萄酒都係整嚟即飲。價格$300樓下嘅紅酒、白酒基本上冇咩可以陳年，因為佢哋多數預你1到3年內就會飲。只有少數高級嘅紅酒白酒，佢哋嘅木塞質素較好，加上酒嘅味道本身多層次，先適合陳年。

一般嘅酒木塞普普通通，通常過幾年就會開始漏氣，令大量氧氣進入酒樽，到時支酒就會好似開過嚟飲咁冇哂味道。

即使你嘅酒係適合陳年嘅好酒，考慮到香港的氣候濕度同溫度都極唔穩定，如果冇專業嘅酒窟可以放酒，過幾年變咗醃泡菜嘅機率比較大......

頭盔：比較高級嘅紅酒同白酒可以放更耐，但視乎每枝情況不同，建議自行上網查清你嗰支貴嘢嘅保存期限。