成日聽專家話啲酒飲落似「新世界/舊世界」嘅。唔通「新世界」除咗賣地產仲有賣酒😧？
其實舊世界指嘅係釀酒技術嘅起源地，例如法國、意大利、西班牙、葡萄牙、德國、希臘等等，佢哋通常有幾百年釀酒經驗，整出嚟嘅酒質素會穩定啲。
政府為咗保護本地出產嘅酒嘅聲譽，都有比較多規則防止質素差嘅酒「冇料扮四條」，例如大家聽得最多嘅香檳🍾，就規定一定要喺法國香檳地區出產，先可以叫香檳」。
另外舊世界有幾百年飲酒歷史，酒鬼同酒廠都通常極多，喺激烈嘅競爭下要存活下去，又要討好到要求越嚟越高嘅酒鬼，呢啲國家唯有發展出自己獨特嘅一面。例如法國有香檳、西班牙都有著名嘅Cava氣泡酒、意大利有Prosecco、Moscato等等嘅甜氣泡酒。
講到「舊世界」咁好，唔通「新世界」嘅酒真係冇咁好？
的確對好多比較老派嘅人嚟講「新世界」，係一個負面嘅形容詞。但其實有時新世界嘅酒都有值得欣賞嘅地方，例如南非同澳洲著名嘅Syrah，紅酒口感辛辣而豐滿。係因為當地嘅氣候獨特，先種得出咁嘅葡萄，如果呢種葡萄種喺北半球嘅法國，就未必有咁嘅風味🤔。
「新世界」都比較多創新之舉，因為舊世界規則多，有時都令到酒廠冇得發揮創意，唔信你試下拎支香檳去溝其他嘢，實俾人問候你家人，都好難會賣到好價錢。但新世界嘅日本就敢咁做！佢哋將紅酒、甚至白蘭地Mix落日本傳統嘅梅酒次中，將佢變成咗日本自己嘅特色酒款。
所以新世界嘅酒但未必差，但價錢就因為名聲比較平，其實值得一試。
去睇睇上文提到嘅各種地區名產：
